Məxfilik siyasəti

1. Hansı məlumatları toplayırıq

• Hesab məlumatları: ad, e-poçt ünvanı, biznesin adı və sahəsi. Telefon məcburi deyil — qeydiyyatda istənmir; onu yalnız kabinetdə Ayarlar → Profil bölməsində özünüz yazsanız saxlayırıq.
• Bildiriş kanalları: Telegram botunu qoşsanız — söhbətinizin identifikatoru; brauzerdə push bildirişlərinə icazə versəniz — cihazınızın push ünvanı və şifrələmə açarları. Hər ikisi yalnız bildiriş göndərmək üçündür və hər ikisini özünüz söndürə bilərsiniz.
• Müştəri məlumatları: kabinetə özünüz daxil etdiyiniz və ya onlayn qəbul vasitəsilə düşən müştəri adları, telefonları, görüş tarixçəsi, qeydlər və yazdığınız halda ad günü. Müştəri botu özü qoşubsa — onun Telegram söhbət identifikatoru.
• Rəylər və mütəxəssis profili: müştəri görüşdən sonra rəy yazsa — ulduz sayı, mətn və özünün yazdığı ad (yazmasa, «Müştəri»). Rəy salonun qəbul səhifəsində hamıya görünür; telefon, e-poçt və müştəri kartındakı ad göstərilmir. Mütəxəssisin şəkli və «haqqında» mətni də qəbul səhifəsində görünür — onları salon özü yükləyir və mütəxəssisin razılığını almaq salonun məsuliyyətidir.
• İstifadə və texniki məlumatlar: giriş vaxtları, IP ünvanı, brauzer növü — təhlükəsizlik və xidmətin işləməsi üçün.

2. Məlumatlardan istifadə məqsədi

Məlumatları xidmətin göstərilməsi, qəbulların idarə edilməsi, xatırlatmaların göndərilməsi, abunəliyin uçotu (plan, məbləğ, tarix), təhlükəsizliyin təmini və xidmətin təkmilləşdirilməsi üçün istifadə edirik.

3. Məlumatlar harada saxlanılır və kimə ötürülür

Bütün məlumatlar Contabo GmbH şirkətinin Fransadakı serverində (Lauterbourg) saxlanılır — yəni Azərbaycandan kənarda, Avropa İttifaqı ərazisində. Tətbiq də, PostgreSQL bazası da həmin serverdə işləyir; ayrıca bulud baza xidmətindən istifadə etmirik.

Məlumatın bir hissəsi aşağıdakı hallarda üçüncü tərəflərə ötürülür:

• E-poçt — Resend: giriş linkləri, təsdiq və dəvət məktubları; ad və e-poçt ünvanı ötürülür.
• Google: yalnız «Google ilə daxil ol» seçdiyiniz halda — girişin təsdiqi üçün.
• Telegram: yalnız botu özünüz qoşduğunuz halda — qəbul bildirişləri.
• SMS — LSIM (Azərbaycan): qəbul xatırlatmaları üçün nəzərdə tutulub. Hazırda SMS söndürülüb: kabinetdə belə bir bölmə yoxdur və heç bir nömrə göndərilmir.

Kart ödənişləri hələ qoşulmayıb. Ödəniş provayderimiz yoxdur; kart məlumatlarınızı nə toplayırıq, nə də saxlayırıq. Abunəlik üzrə yalnız plan, məbləğ və tarix qeyd olunur. Real provayder qoşulanda bu bənd yenilənəcək və dəyişiklik barədə əvvəlcədən məlumat verəcəyik.

Biz şəxsi məlumatları satmırıq.

4. Saxlama müddəti

Məlumatlarınız hesabınız aktiv olduğu müddətdə saxlanılır. Bundan başqa iki avtomatik təmizləmə işləyir: göndərilmiş bildirişlərin qeydləri 90 gündən sonra, platforma administratorunun əməliyyat jurnalı isə 1 ildən sonra silinir. Görüşlərin özü qalır — bildiriş qeydi görüş tarixçəsi deyil.

Salon silinəndə məlumatlar iş sistemindən çıxarılır, lakin bir arxiv nüsxəsi qalır: səhvən silinən salonu geri qaytarmaq üçün. Arxivə yalnız platforma administratoru çata bilir. Silinmədən sonrakı 30 gün ərzində sahibkarın müraciəti ilə salonu geri qaytara bilərik. Arxivin avtomatik silinmə müddəti hələ təyin edilməyib — o vaxta qədər arxiv saxlanılır; müddət müəyyən olunanda burada göstəriləcək. Tam silinmə tələb etsəniz, arxiv nüsxəsini də silirik.

Öz hesabı olan müştərinin silinən salondakı gələcək görüşləri onun kabinetində «Salon bağlanıb» qeydi ilə qalır — müştəri görüşün olmayacağını bilsin deyə. Bu qeydlər görüş tarixindən 90 gün sonra silinir.

Müştəri kartını sildikdə kart bütün siyahılardan çıxır, amma dərhal məhv edilmir — səhvən silinmiş kartı geri qaytarmaq mümkün olsun deyə. Müştərinin özü məlumatlarının tam silinməsini istəyirsə, bu ayrı əməliyyatdır: kart bazadan həmişəlik silinir. Bunun üçün salona və ya bizə yazmaq kifayətdir.

Rəylər salon mövcud olduğu müddətdə saxlanılır. Salon rəyi silə bilmir — yalnız bizə şikayət edə bilər. Rəyin müəllifi adının və mətninin götürülməsini istəsə, bizə yazsın: ad «Müştəri» ilə əvəz olunur, mətn silinir, ulduzlar reytinqdə qalır. Mütəxəssislərin şəkilləri salon silinəndə arxivə düşmür — salonla birlikdə silinir.

Silinmiş məlumat bir müddət gündəlik ehtiyat nüsxələrdə (backup) qala bilər; nüsxələr köhnəldikcə öz növbəsində silinir.

5. Təhlükəsizlik

Giriş linkləri və sessiya tokenləri bazada açıq deyil, yalnız heş şəklində saxlanılır. Şifrə təyin etmisinizsə, o da argon2 ilə heşlənir. Sessiyalar httpOnly cookie-dədir, məzmun təhlükəsizliyi siyasəti (CSP) və HTTPS tətbiq olunur. Salonlar bir-birinin məlumatını görmür — izolyasiya həm proqramda, həm də bazanın öz səviyyəsində (RLS) qurulub. Heç bir sistem tam təhlükəsiz olmasa da, məlumatlarınızı qorumaq üçün ağlabatan tədbirlər görürük.

6. Hüquqlarınız

Şəxsi məlumatlarınıza giriş, düzəliş və ya silinmə tələb edə bilərsiniz. Bunun üçün bizimlə əlaqə saxlayın: support@timeup.az.

7. Çərəzlər (cookie)

İki cür çərəz işlədirik: sessiyanın işləməsi üçün zəruri olan httpOnly cookie-lər və seçdiyiniz dil (saytın yuxarısındakı AZ/RU keçidi — bir il saxlanılır, içindəki dəyər sadəcə «az» və ya «ru»-dur). İzləmə (tracking), reklam və üçüncü tərəf analitika çərəzləri tətbiq etmirik.

8. Müştəri məlumatları üzrə rollar

Kabinetə daxil etdiyiniz müştəri məlumatları üzrə «məlumat operatoru» sizsiniz, TimeUp isə «emal edən» qismində çıxış edir. Bu məlumatların toplanması üçün lazımi əsasların təmini sizin məsuliyyətinizdədir.

TimeUp-da öz hesabını açan müştərilər üçün isə əksinədir: qeydiyyatdan keçərkən özlərinin verdiyi məlumatlar üzrə operator kimi TimeUp çıxış edir. Sadə desək — salonun yazdığı kart sizin, müştərinin özünün açdığı hesab bizim məsuliyyətimizdədir.

Dəstək zamanı müştərilərinizin adlarını icazəsiz açmırıq. Belə bir baxış lazım olsa, kabinetinizə səbəbi ilə birlikdə ayrıca sorğu göndərilir; siz təsdiqləyirsiniz, icazə bir saat sonra öz-özünə bağlanır və hər baxış ayrıca qeydə alınır. Kim soruşub, nə vaxt baxıb — kabinetdə Ayarlar → Məlumatlarıma kim baxıb bölməsində özünüz görürsünüz; bu qeydlər silinmir.

9. Dəyişikliklər

Bu siyasət vaxtaşırı yenilənə bilər; mühüm dəyişikliklər barədə məlumat veririk. Yuxarıdakı «Son yenilənmə» tarixi cari versiyanı göstərir.

10. Əlaqə

Məxfiliklə bağlı suallar: support@timeup.az · +994 50 344 00 13.